يوسف المصرى - حق مدنى قصة حكايـــــــــــــة

المساهمات : 98 تاريخ التسجيل : 11/04/2008 العمر : 36

يوسف المصري ..... يوسف المصري ....
جريت انا اول ما سمعت اسمي بيتنادي ووصلت للعسكري
_ خير كله تمام الحمد لله ؟؟
- تمام ايه يا استاذ المصالحه وكيل النيابه رفضها حولك جلسه .
- يا نهار اسود جلسه جلسة ايه بس هو انا عملت ايه ؟!
- الحق المدني يا بيه انت دفعت الجزء المالي بس المدني ده بمزاجنا احنا شوف مصلحتك يا استاذ هو انا مواريش غيرك .
لحظه انتم مستغربين ليه ؟؟
انا طبعا استاهل انهم يعملوا ليه جلسه !
ويحبسوني كمان ..
بجد ...
انا اللي غلطااااان ...
ازاي اعمل عملة زي دي .
انا ايه اللي يخليني افكر اتجوز ؟!
مانا كنت في حالي ايه اللي يخليني اورط نفسي .
واشتري شقه !
يعني هو انا ناقص شقق ...
مانا عندي شقة اختي بروح عندها
وشقة عمي اللي طاردني من يومين
وشقة الفول اللي بافطر بيها كل يوم لما النقرس اكل عظمي ...!!
انما انا استاهل طماع انا ....
ازاي افكر اني يكون لي بيت وعيال وواحده تطبطب عليا وترعاني
انا غلطان .....
وبعدين هما يعني ظلموني ابدا .... ده حتي الناس غلبوا معايا.
رايحين جايين علي العماره مستنين الحمار اللي هيشتري الشقه !!!
ولو مجاش موش مشكله .
أي بغل يعدي من قدام الشقه يسد
هما يعني هيقطعوا نفسهم
المهم انهم الله ينور عليهم نجحوا انهم يمسكوا واحد من الناس
اللي بيوضبوا شقتي وسالوه مين صاحب الشقه
وطبعا قالهم الراجل اسمي وكمان رقم بطاقتي الشخصيه
عشان هو مطمن ازاي مباحث الكهرباء هتعملي مشكله
وانا لسه مركب العداد وهو واقف من يومين بعد مسجلت الشقه باسمي بيوم واحد طبعا اصله موش فاهم اني انا غلطان
طبعا
انا غلطان

لازم امشي في كل العماره !!!
واراجع علي كل لمبه قدام وجوه العماره
لو مسروق ليها تيار اوصلها علي عدادي طبعا
امال اسيب مال شركة الكهرباء يتسرق
عرفتم بقي اني غلطان....
وخصوصا ان الشقه اللي في الدور الارضي زي شقتي هيه اللي بتشيل القضيه !!!!
وبعدين صاحب الشقه يتخانق مع السكان
عشان مايعملوش كده تاني ..
لانهم لو عملوا اي حاجه برضوا هيعملوا القضيه باسم اول شقه
هههههههه
انا اللي غبي
كان ليه جاري زمان في الدور الارضي قتل واحد في الدور التاني
ازاي مفهمتش انا واول ما اشتريت الشقه معرفتش اعمل كده ؟؟؟؟
موش بقولكم انا اللي غبي !!!
وبعدين الناس استحملوني يومين علي مرحت دفعت الغرامه 1500 جنيه مرتب سنه ونص
اللي ماليش دخل بيها غير ان...
اللي عمل المحضرمن رجال المباحث ...الله يعمر بيتهم
شكل العماره ضايقه
وهو ماشي قال ما ادخل اخد نسبتي علي القضايا من المغفل
اللي في اول دور

يعني الراجل مغلطش امال يعني ميأكلش عياله
ولا يعني هيجوع هو واهله عشان خاطري ؟؟
وفي الاخر ازعل عشان هيعملولي جلسه وهاخد 6 شهور حبس بعد مدفعت 1500 جنيه ده انا ميبقاش عندي دم وابقي راجل قليل الادب.
ويارب سامحني بقي علي ظلم شركة الكهرباء اللي انا مبهدلها معايا
وحطلها في فيشة او مشترك حسانتها يارب اللي انا باظلمهولها .

وعجبي
بس ادعولي عشان رايح اتحبس 6 شهور بجد عشان الكهرباء