نأسف ونعوضك بواحــــد جنيه مصرى ..

المساهمات : 98 تاريخ التسجيل : 11/04/2008 العمر : 35

نأسف ونعوضك بجنيه واحد مصري "ساخر"

السيد ابراهيم محمود
ابراهيم خدها جري من الحمام لغاية البلكونه وهو بينادي علي البوسطجي وبيتكعبل في الكراسي ويقوم ويجري وهو بيقول
- ايوه انا استني استني يارب خير
- جواب ليك من الحكومه ياعم ابسط
"يقولها البوسطجي وهو ينظر بسخريه لمنظر ابراهيم اللي طالع جري وناسي انه علي دقنه كريم الحلاقه "
- الحمد لله اخير احمدك يارب اخيرا هيعوضوني عن البيت بتاع امي اللي هدووه غلط
* متستغربش انهم هدموا بيت ام ابراهيم غلط لاننا في مصر وطبعا بعد موبينيل ماشالت المصاريف الادارية مبقاش فيه مستحيل
نزل جري ابراهيم وخد الجواب
فتح ابراهيم الجواب المسجل بعلم الوصول وهو كله لهفه وشوق لمعرفة مبلغ التعويض اللي اكيد هيحل ليه مشاكل كتيييررررررر وفتح الجواب الحكومي بكل حرص كانه واحد من بتوع مكافحة الارهاب وبيبطل قنبله .
وبدأ ابراهيم يقرا الجواب
بسم الله الرحمن الرحيم
محكمة الشعب
نتأسف نحن وكيل النائب العام بصفته
للمواطن / ابراهيم محمود المليان
عن خطأ ادارة الرصف والطرق التي تسبب بهدم منزله بمنطقة الزيتون
ونتعهد له بتسليم الارض المملكوه له بعد دفع مصاريف اللجان الاداريه والتي تقدر ب 25.000 جنيه
فقط خمسة وعشرون الف جنيه مصري .
وذلك لمعاينة المكان بعد رفع الانقاض والتاكد من عدم حدوث وفيات بالعقار المتهدم .
وعليه فاننا نعتذر عن الخطأ الفني من سائق الشاحنه الخاصه بالرصف والتي قامت بصدم عمود اساس بالعقار علي سبيل الخطأ مما تسبب بالتهدم التام للعقار
ونأمر نحن وكيل النائب العام بتعويض المواطن / ابراهيم محمود المليان
بجنيه واحد مصري فقط لاغير نظير التأذي النفسي والمادي والمعنوي
علي ان يتم دفع المصاريف في اقرب وقت مما لا يتعدي شهر واحد لعدم التعرض للمسائله القانونية
محكمة الشعب
وكيل النائب العام
معرفش ابراهيم يعمل ايه غير انه يبكي من الالم وهو يتلعثم في الكلام ويتمتم طيب مكتبوش ليه اسم الواحد المصري ده اللي هاخد منه الجنيه وياتري هو عمل ايه بس ربنا معاه ............... "نعوضك بجنيه واحد مصري "
وعجبي