المساهمات : 98 تاريخ التسجيل : 11/04/2008 العمر : 35
موضوع: ألف ليلية وليلة .. الخميس يوليو 17, 2008 12:10 am
كل البنات والولاد عايزين يحبوا ويتحبوا ويخطبوا ويتجوزوا ويلاقو حد يشاركهم حياتهم ومستقبلهم ويعيشوا ف مشاكل مش بتنتهي لحد ما يموتوا ان شاء الله هي دي النفس البشرية غاوية تعب ووجع دماغ
واول ما يفكروا يبداوا المشوار تبدا الخطط والتفكير………………
المشهد الاول
عشان متقولوش اني متحيزة للبنات حبدا بيهم
تلاقي البنت من دول عاملة فيها بقي مش عارفة ايه كدة, وكل يوم رايحة الكلية بشكل مختلف ومتظبطة ومتشيكة ع الاخر وبتقول يا ارض اتهدي ما عليكي ادي( وايه بقي البت رايحة فرح ع الصبح) المشهد التاني الواد القمر داخل الكلية بسم الله ما شاء الله الهدوم مكوية عشر مرات ف بعض والجزمة متلمعه كدة وبتبرق وبرفان ايه وشعر ايه وجل ايه حركات بقي والواد مفيش اخوه ف الكلية
المشهد التالت
البت شابفة كل العيون عليها وهي حلوة وامورة وزي الفل والواد الله اكبر البنات حتتجنن عليه
المشهد الرابع ودة اهم مشهد خلي بالكو معايا الواد القمر والبت الحلوة اتقابلو الحمد لله وبعدين ال ايه حبو بعض من اول نظرة( عادي اقروا ومتعلقوش بتحصل) وبقوا يتكلمو ويحكوا ويلزق لها ف كل محاضرة وكان مفيش حد ف الكلية غيرها وكل شوية كتبتي المحاضرة وهي كمان بتعمل نفس الحركات القرعة دي
نروح بقي
للمشهد الخامس راح يقولها وهو لابس اشيك طقم عنده (وهو دايمن كدة)انه معجب بيها وبيحبها كمان وطلعت هي كمان معجبة بيه( شكلها كدة معجبة بيه عشان كل البنات بحبه) وانا مالي مش عايزة اتكلم علي حد دعوا الخلق للخالق ( ربنا يوفق سعيد بسعيدة)
المشهد السادس وهم بقي هيمانين وبيحبوا بعض اوي اوي الحياة جميلة ولذيذة وعال العال وهو شايفها نجمة ف السما منورة حياته علطول ومش حيقدر يعيش من غيرها( يا حرام شكلها عملتله عمل ولا ايه الله اعلم مش عايزة اجيب سيرة حد)
وهي كمان شيفاه............... لالا مش شايفة حد غيره واحمد عز( شكلها حوله بتساوي دة باحمد عز والله بنات غريبة)
المشهد السابع
متفاهمين ومختلفوش علي حاجة ابدا ( الحمد لله هي ف اولها كدة .... ربنا يستر) قرروا يتخطبوا( العروسة للعريس والجري للمتاعيس.............. اللي هم احنا ) كل الناس فرحانه وبتحسدهم ف الفرح وماشاء الله امامير يختي كميلة . زي القمر زي العسل ( زي الزفت) تاني يوم الخطوبة وبعدها بكام يوم كدة لسه اثار الخطوبة علي وشهم وفرحانين برضه( سبحان الله لسة فرحانين؟؟؟؟؟؟)
المشهد التامن ( اللي هو بعد السابع بشهر)
راح يقابلها زي ما كان بيقابلها ايام زمان ( الله يرحم ايام زمان ....... قول للزمان ارجع يا زمان...........بس مش بيرجع)
هو الواد القمر بقي شبه القردولا هدوم مكوية ولا شعر متسرح ولا جزمة متلمعة زي ما يكون طالع من كوم تراب وطول القعدة حاطط ايده علي خده زي ما يكون جاي من عند دكتور السنان
وهي كمان بقت شبة المكنسة ومعفنة وكانها جاية من السوق( خدامة) راحت فين الامورة بتاعة زمان ( قول للزمان ارجع يا زمان)
ومش طيقين يشوفو بعض
ويقولها انا بعمل كدة عشانك
وهي تقوله معفن عشاني؟؟؟؟؟؟؟؟؟؟
ف سرها طبعا مش بصوت عالي
ممكن يسيبها ولا حاجة( بنات جبانه) ف داهية بس مفيش عرسان اليومين دول
امرها لله تستحمله وخلاص مش هي اللي عايزاه( اشربي بقي) وهو يكمل كلامه ويقولها
دة انا سايب صحابي عشانك وانتي مش حسة بحاجة
وهي ترد عليه مش بحس قصدك اني حمارة ولا ايه دي اخرتها
وصوتها علي والرقة المقتعة با نت علي حقيقتها( يالهوي يالهوي) والحياة اتقلبت وكل واحد ظهر علي حقيقته خلاص( المستور انكشف وبان)
ومبقاش في رنه معينه زي زمان دة كان كاتب نور عيني اللي بشوف بيها ورنة نسم علينا الهوا ( فيروز والزمن الجميل ) دلوقتي حاطط بحبك يا حمار والاسم( قدري ونصيبي)
وهي كانت سغاله ( انا لك علطول) لعبد الحليم حافظ والاسم روح قلبي ودلوقتي اغنية حقلق راحتك والاسم ( المنيل علي عينه)
بعد كل دة وتقولو حب وجواز هم واصعب قرار وكلام من دة شفتوا بقي ايه اللي بيحصل بعد الخطوبة وبرضه مش عايزة اجيب ف سيرة حد وربنا يوفقهم ويتتم الخناقة علي خير