متيجى نعيل شويـــــــــــة ..

اول حاجة بيحبها فيك الطفل >>> انك تخليه بيتكلم معاك وهو حاسس ان هو الكبير مش انت يعنى تعطى له



سيبه يتكلم ويقول كل اللى عنده وفى وسط الحديث خليه يحس بالاهتمام منك ببعض الكلمات زى

( فعلا – ايوه – والله شىء كويس – و بعدييين – وانت ساعتها عملت اييييه ..... الخ )

و عندما ياتى دورك فى التعليق على ما قال

اذا كنت معترض على شىء فى كلامه ....استخدم معه طريقة

(نعم ... ما شاء الله .. شىء رائع ).. لكن ....... ( ثم ابد رايك باسلوب جذاب و مقنع )

وما تكترش من كلمة( اصل انت لسه صغير )









بس ازاااااااااااااااااااااااااى ؟؟؟؟؟؟؟!!!!!!!



خلّى بالك من نقطتين مهمين جدا .....



1 – انك عند استخدامك اسلوب الترغيب



ما تقولش مثلا(خذ الشيكولاته دى بس روح اتاسف لبابا .. او ... لو رحت اتاسفت لبابا حديلك شيكولاته )

لان هو كده حيروح يتاسف عشان الشيكولاته مش عشان بابا

طيب...... نعمل ايييه ؟؟؟

المفروض ان يكون اسلوب الترغيب بكلمات زى دى

( الشطار اللى بيسمعوا الكلام الناس بتحبهم و بتجيب لهم حاجات حلوة كتيير و ربنا بيحبهم و بيدخلهم الجنة )

مع شرح بسيط جدا للجنة وجمالها و الحاجات الحلوة اللى بيحبها يعنى مثلا ( حنروحوا دريم بارك او كرمنتس او اى مكان هو بيحبه ).... و تنفذ اللى تقول عليه على فترات

يعنى بمعنى أصح .... يكون الترغيب مبدأ ...... ما يجيش مع المواقف



لانه لما بييجى مع المواقف بيعلم الاطفال الارتشاء

وممكن يكبر وهو متعود على كده وما يعرفش يبطل العادة دى



وبعد ما الموقف يخلص بشوية كده لو سمع الكلام تقول له

( بص... انا بحبك اوى .. و عشان انت سمعت الكلام انا جبتلك هدية )

و تكون مجهزله هدية فعلا ما تضحكش عليه



آآآآآآآآآه ....... وكمان لما تيجى تتكلم مع الطفل تقول له( هات بوسه وانا اعملك كذا )

ده خطأ كبييييير جدا



انما الصح ...انك بعد ما تعمل له اللى هو عاوزه تطلب منه اللى انت عاوزه و بعد فترة كمان ..... مش فى ساعتها

وده لنفس السبب اللى فات ... ولان الطفل بيشوفك انت بتتعامل معاه ازاى و يعاملك بنفس الطريقة



2 – عند استخدام اسلوب الترهيب



برضه تخليه مبدا .... بس كمان تستخدمه فى المواقف نفسها .. عشان ما يعتقدش الطفل انك بتهوشه بكلمتين وخلاص

زى مثلا ( انت فاكرنى بهذر انا مش قلت لك قبل كده ان كده غلط وما تعملش كده تانى ) و تعطى له عقاب بسيييييط

ما تفتريش عليه لسببين

عشان 1- ما يكرهكش

وفى نفس الوقت 2- تنمى فيه قوة الشخصية ..... بس لازم عشان يحس ان في عقاب فعلا و ان فى حزم

وده طبعا مش من اول غلطة ...... ده فى حالة انه يكرر غلطة عملها قبل كده



وممكن لو عيل حساس وعنده دم يعنى ...... تبصله بصة عتاب يكون هو عارفها ...... كفاية عليه اوى





انما لو اول مرة حيكون رد فعلك سياسى جدا وحتقوله ( على فكرة اللى انت عملته ده غلط والوحشين هما اللى بيعملوا كده وانت مش وحش و بعدين لو كررتها تانى حيكون فى عقاب )

وده بقى حيكون المبدأ اللى انت بترسخه فى عقل الطفل





>>>> شىء خطير جدا و مضحك جدااااااااااااااا

يعنى ممكن مثلا الولد يجى لامه يقول لها ( ماما الحقى انا النهاردة و انا فى الشارع شوفت فار قد الفيل )

شوف بقى رد الام ....... ( يا ولد انا مش قلت لك قبل كده مليوووووون مرة بلاش تبالغ فى الكلام )

بالله عليكم ايه الفرق بين كلام الابن و الام هنا .... هما الاتنين كانوا مبالغين

وده ممكن يخلّى الولد يرد عليها يقولها ( بذمتك انتى قولتيلى مليوووون مرة )

او لو ما اتكلمش مش حيكون واثق فى كلامها بعد كده





مثلا اقعد اتفرج معاه على البرامج اللى بيحبها و على افلام الكرتون

و انتوا قاعدين وبتتفرجوا علق له على مشاهد معينة تحسسه بيها انك متابع كويس و مركز

زى مثلا ( أوووووووه – شوفت بقى اللى حصل ده عشان الولد ده عمل كذا وكذا – اه الراجل ده شرير وو حش اوى- الولد ده شجاع – بص بقى البنت اللى بتغسل اسنانها على طول دى شطورة اوى .... الى آخره )

و حاول تطلعه من الفيلم ده بقيمة معينة

و ابقى فكره بيها تانى لما يجى موقف مشابه للفيلم



ممكن برضه تقعد تلعب معاه اللعب اللى هو بيحبها

او تقعد تعلمه ازاى يعمل اشكال بالصلصال ... او اشكال بالورق ..... دى من الحاجات اللى بتلفت انتباه الاطفال جدا

وبتنمى مهاراتهم فى التفكير و الابداع

او تمسك ورقة و قلم وتقعد ترسم مثلا ....... حتلاقيه يجى يقعد جنبك و يطلب منك ترسم له

( عربية – قطة – طيارة – وحش كبييييييييير – دبابة ..... الخ ) يعنى الحاجات اللى بيشوفها فى افلام الكرتون

و بعدين يبدأ ياخذ منك القلم و ياخذ منك الصلصال عشان يعمل زيك



- تعمد انك تصلى قدامه و خليه يقف جنبك ويقلدك فى حركات الصلاة

يا سلام على حركاتهم بتبقى زى السكر



- اقعد اقرا معاه بعض الايات القرانية و حاول انك تحفظه

واستخدم معاه كلمة ( لو سمحت ... ممكن نحفظ مع بعض الاية دى )

و عشان تركز فى دماغه الايات احكى له القصة بتاعتها - وحبذا لو قبل ما ينام مباشرة بدل الحدوتة -

و حاول تفهمه معانى الكلمات على قد ما تقدر

و بلاش تضغط عليه فى موضوع الحفظ زيادة عن اللزوم عشان ما ينفرش من الموضوع بعد كده

يعنى لو لقيته خلااااااص قفلت معاه ومش عايز يحفظ سيبه دلوقتى و بعد ما يروق ابقى حاول تانى



- اكثر من كلمة ( انت ربنا بيحبك اوى)







و من هنا حيبقى واثق فى كلامك ... واثق فى نفسه طول ما هو معاك ....

و فى نفس الوقت حاسس انك عارف كل حاجة فى الدنيا ...وما بتكذبش ابداااااااااااااااا

بيثق فيك ثقة عمياااااء

فحاول بقدر الامكان انك تحافظ على الصورة اللى رسمها لك فى عقله



و خللى بالك ...... بيبقى ليهم اسئلة تبقى انت نفسك مش عارف اجابتها واسئلة بيكون ما لهاش اجابات أصلا

و الله الواحد بيبقى فى نص هدومه

و بيبقى حاسس ان شكله وحش اوىىىىىىىىىىىىىىى



نصيحة فى مثل هذه المواقف ... حاول تتوهه شوية عقبال ما تعرف اجابة السؤال و ابقى قول له الاجابة بعد كده

و لو ما عرفتش الاجابة ابقى طنش خااااااااااالص



الا اذا كان من العيال المركزين بتوع اليومين دول اللى مش بيتوهوا ابدا و يتوهوا بلد من امثالنا

و يفضلوا قاعدين لك كده كانهم نفسهم انك تغلط

فى الحالة دى انا محتاجة حد يقوللى انا ساعتها ... أعمل اييييييه؟؟؟؟؟