الأبطال : الست تفيده من حاره قلعه طشت
مدام صافيناز هانم من جاردن سيتى
الحدث :
مدام صافيناز : أووووف الجو هنا هوووت أوووى موووت خالص ... هم مش قادرين يحطوا كونديشينر ؟؟ :angry:
الست تفيده :مالك يختى ؟؟ فيكى إيه كفا الله الشر ؟؟
بتشتكى من حاجه ؟؟أروح أبعت لك إزززازه أزززوزه تطرى على أنفاسك ؟؟ :unsure:
مدام صافيناز : ميغسى ... بس مش معقول المكان ده ... أنا أول مره أشوف فى
حياتى مكان زى ده ... كله كله كازورات (( قاذورات )) وزحمه مووت ... وموظفين
مش بيشتغلوا ... بياكلوا وبس -_-
ده ف أميريكا ...
الست تفيده تقاطعها : لا يختى إحنا هنا مش فى البلد الأمريكاويه ... إحنا هنا ف
مصر ... مصر أم الدنيا دى كولتها ... رغيف العيش بقى قد عقله الصوبع وبــ 10
صاغ لكن بردو هى مصر ... التوم يختى جاله مجاعه وسل بعيد عنك وعن
السامعين قادر يا كريم من كتر الكماوى اللى بيضربوه بيه ... بس بردو هى مصر
الفلفل الرومى اتقلب حرااق والحرااق اتقلب رومى ... ما يجراش يختى ... دى بردو مصر ...
أروح اشترى هدمتين قطن للعيال يفرحوا بيهم كده وسط صحابهم ... وبعد أول
لبسه يتغسلو يختى وتلاقيه كش ولونه يطلع فى ميه الغسيل ... ما يجراش
يختى إحنا فى بلد الذمه ... والقطن المصرى لا يعلى عليه بالصلاه ع النبى ...
الحكومه الجديده دخلت علينا بالحنجل
والمنجل ... وأول حاجه عملتها راحت رافعه تمن تذاكر المواصلات للضعف وماله يختى مش عيب ... <_<
مدام صافيناز : إيه ده
؟؟ معقوله كل ده بيحصل فى مصر ؟؟ أنا عمرى ما حسيت
بأى حاجه من اللى بتقوليه ده يا مدام ... أنا كل حاجه بشتريها من ألفا ماركت
ومترو وكارفور وبشترى ملابس من أرقى المحلات فى المهندسين والزمالك
كله مستورد ... مصر إتقدمت أوى وبقت تستورد حاجات هااااايله
الست تفيده : تسسسسسسسسب ... حِكم <_< ... ده أنا بشترى جوز
الشباشب _ عدم اللامؤخذه يعنى _ من شارع خالد ابن الوليد فى اسكندريه ...
ما بيقعدش لبستين ويروح طاقق من جنابه ... يختى بلا خيبه ... إحنا ناس على
قد حالنا ... ماشيين جمب الحيط وبنقول يارب السلامه ... مش عايزين غير
الستر ... بس كل حاجه يختى بقت مولعه ناااار ... البيه جوزى (( الله يرحمه ))
كان بيشتغل فى الحكومه وبيقبض 150 جنيه ... ما بيكفوناش يختى العيش
الحاف ;x ... وإحنا 7 نفر فى الأوضه اللى فوق السطوح ... جايه أبيع قيراط الأرض
اللى حيلتنا عشان أقدر أسد جوع العيال ... وواخداها كعب داير كل يوم آجى
المصلحه ويقولوا لى تعالى بكره ...هدوا حيلى الله يهد حيلهم ...
مدام صافيناز : ما تقلقيش ... أنا هقول للموظف اللى هنا عشان يريحك من
المشوار كل يوم ... أصله بيشتغل بعد الضهر فى شركه جوزى
كل حاجه هنا بالواسطه تمشى ...
الست تفيده : ربنا يبعد عنك ولاد الإيه ... ويجعل لك فى كل خطوه سلامه ...
ويحوش عنك كل شر ... وينور لك طريقك بالبركه ... يا بركه إنتى ^_^
وفعلاً يختى ... البلد دى ماشيه بالمثل اللى بيقول : " يا واخد ع الشقا ... ما
تعبرك حكومه ... ويا واخد ع النغنغه ... غير الهنا ... ما يطولك "
انتهـــــــى ;r
الرئيسية 